備受香港人愛戴嘅麵包店 Bakehouse by Grégoire Michaud 將會喺6月開設首間位於港島南區嘅分店，新店位於沿海嘅赤柱，等大家可以望住過海chill住嘆麵包🥯🌊.
即將開幕嘅赤柱分店將供應原有餐單中最受歡迎嘅烘焙美食，包括招牌酸種葡撻、以天然酵母經過 36 小時漫長發酵過程所製成嘅歐式酸種麵包🍞，同埋各式各樣嘅維也納甜酥麵包 (viennoiseries)，例如係朱古力酥和牛角包🥐等等，全部都係現場新鮮製作及烤焗。赤柱分店仲有提供分店限定嘅烘焙美食！諗起都流晒口水呀！🤤
始創人Grégoire Michaud 係一位經驗豐富嘅糕點師兼麵包師，擁有逾 30 年嘅烘焙經驗，當中包括喺香港四季酒店擔任糕點行政總廚八年，難怪佢嘅麵包咁好食啦！😍而且Michaud對食材嘅質素都好高要求咖！咁多位都可以趁放假嘅時候嚟赤柱行吓，喺海風下品嚐麵包滋味😋
Bakehouse – by Grégoire Michaud 🍽
地址：赤柱大街 116 號
試業營業時間:星期二至日上午 8 時至下午 6 時(逢 星期一休店)