英國新聞週報《經濟學人》3月8日，喺國際婦女節發表咗最新嘅女性地位調查，就有關婦女喺職場嘅角色同影響，比較並歸納經濟合作與發展組織（OECD）裏面嘅29個富裕國家過去五年嘅婦女喺職場地位嘅排行同變化。
頭嗰7位都係歐洲國家佔領，包括首3位嘅瑞典、冰島同芬蘭。第8位係紐西蘭，第10位係加拿大，第14位係澳洲，而英國都要排到第17位，時時話平等人權嘅美國就排喺第20位，我哋熟悉嘅日本同南韓就排包尾兩位。以男權社會為主嘅日韓，婦女常常要係家庭同工作上作出決擇，如要兩者兼顧，她們一定非常疲累，壓力爆煲。
呢項調查係根據男女工資水平、婦女工作假期、婦女喺職場嘅參與度同影響力，以及國家對照顧兒童嘅經濟津貼都計算在內。原來位列第2嘅冰島，國內女性係在職高層位置佔有率高達47%。
男女不平等，令同工不同酬嘅情況出現，最出名嘅例子係荷里活電影業。例如：
Jennifer Lawrence身為奧斯卡影后、荷里活第一線女星，並且榮獲福布斯女星收入第一名。但喺2014 SONY Pictures被黑客入侵令資料外洩之後，Jennifer Lawrence先發現，即使佢已經是眾多女星收入排第一名，佢嘅片酬仍然比《騙海豪情》（American Hustle）同片男星低。
影后梅利·史翠普（Meryl Streep）亦曾提到，即使她贏得奧斯卡後，所得薪酬仍少於一齊演出男星。
