作為香港旅遊地標之一嘅香港仔珍寶海鮮舫係2020年3月已經停業，而母公司珍寶王國係上月30號宣布珍寶海鮮舫將會被移離香港，港人一個集體回憶即將消失😢就係宣布移離嘅翌日晚上，珍寶海鮮舫廚房船體就突然入水翻沉，唔通佢根本都唔想走？😭
我哋一齊睇睇珍寶海鮮舫所發生嘅事，點解會咁令港人關注啦！
1）船身設計宏偉
珍寶海鮮舫樓高三層，長76米，闊22米！面積達到45,000平方呎，仲可容納超過2,300名賓客！亦因此有「世界上最大的海上食府」之稱，遠遠望見都絕對認得！船身以傳統中國皇宮特色裝修，採用「龍」作為主題，其中最有特色嘅一定係位於金鑾殿嘅龍椅喺用咗2年時間打造，總共耗資超過3000萬港元😮！船入面金碧輝煌，到處都係影相熱門位，例如係2樓嘅壁畫《衣錦榮歸圖》，係由意大利籍藝術家以明朝名畫《入蹕圖》作為創作靈感，再用上馬賽克重新演繹，簡直係融合咗東、西方嘅創作特色！
2）曾經係香港旅遊地標
正正因為珍寶海鮮舫設計宏偉，對於遊客嚟講非常特別，甚至係旅遊書推介下，成為左香港嘅旅遊地標，來港必到之處！唔講唔知，原來珍寶海鮮舫曾經接待過英女王伊莉莎白二世、影星Tom Cruise、周潤發同鞏俐等名人明星！乘搭接駁渡輪、係金碧輝煌嘅大廳，睇住海景食海鮮🐟🦞🦑大概對本地人同遊客嚟講都同樣吸引！
3）經典電影曾經在此取景🎥
珍寶海鮮舫有很多經典電影到珍寶海鮮舫取景，例如係《無間道2》同《龍爭虎鬥》等。其中最爲人熟悉絕對係周星馳有份演出嘅《食神》，電影尾段的決戰中，周星馳搬出黯然銷魂飯🍲，家燕媽媽大嗌「叉燒啊！好叉燒啊！我從來未食過咁好嘅叉燒啊！救命呀！」呢一幕相信大家都印象深刻。除咗港產片，連James Bond《鐵金剛大戰金槍客》同日本電影《信用欺詐師JP：香港浪漫篇》都曾經喺度取景。📸
圖片來源：Spot Media 小編部
