今年剛好係英女皇登基70周年白金禧紀念；英女皇亦係有史以來在位最長同長壽嘅皇帝。皇室規矩特別多；我哋就從衣著探討女王具威嚴同魅力的一面。✨
第一係女皇隨著年紀越大；衣著由較柔和色調演變成現在穿着鮮艷奪目色彩嘅衣裳，鮮黃色🟡、橙色🟠、紫色🟣、青色🟢等大膽搶眼嘅衣著配搭，令女皇睇落更精神煥發！
第二係女皇喜歡用Launer 品牌嘅手袋👜，甚至已經成為記號。每個手袋平均約1500-2000鎊🤑；估計女皇擁有約200 個手袋；雖然款式略嫌保守，但方形嘅手袋配襯在女皇手上亦歷久常新。
第三就係貴族必備嘅英式帽子👒🎩。一頂配合衣着嘅傳統帽子立刻為女性增添唔少貴氣，而女皇嘅帽一大功用就係幫佢增高，一出場就已經雍容華貴。
最後又絕不可缺少；身為女皇又點可以冇珠寶呢💍！頸上嘅珍珠、衣襟上嘅心口針雖然在年青一代已經少用，但配襯喺女王身上就正係代表永恆同經典😍
世界每秒變動，但睇到女皇一出場；朋友話立即有安神定經嘅效用。原來亦是皇室幕僚悉心嘅設計，通過女皇嘅衣着同大家講：「英國皇室嘅傳統，跨越年代、歷久不衰。」
