今次全新亮相嘅iOS 16，大家終於可以自定鎖定頁面嘅各個元素，包括時鐘🕐嘅字型、顏色；相片牆紙嘅濾鏡；甚至加入埋小工具，等使用者可以喺鎖屏上使用更多功能！📱
而呢個自定鎖屏功能甚至可以配合Apple嘅專注模式嚟自動更換。每一款專注模組都可以等用家隨時按心情嚟切換牆紙！
喺新系統中，Apple會將通知框顯示移到螢幕嘅下方，以防用家換上好睇嘅牆紙嗰陣被遮住。
Apple亦都新增咗名為「即時動態」嘅小工具概念，等鎖屏畫面嘅內容更即時更實用，例如NBA 就可以顯示球賽嘅即時比分等等…..
而喺上年宣佈嘅 SharePlay 功能，今年亦會正式開放 API 黎讓更多App加入呢個共同觀賞嘅功能。
最後就係鍵盤嘅部分，好多朋友都會用聽寫 Dictation 呢個語音轉文字功能，但係鍵盤喺進入聽寫後就會消失，要改字又要切回去，非常麻煩！
而喺iOS 16 嘅鍵盤上，聽寫功能喺啟用時唔再會將鍵盤鎖死，便利用家手動改字。
而今次相傳喺ios16預設Keyboard度將會新增「Cantonese input」，相信好快就可以用粵拼打中文字啦！😌
唔知大家對邊個功能最期待呢，留言話俾我哋知啦！💬
圖片來源： website@apple
