一向深受年輕人歡迎又緊貼潮流嘅維他檸檬茶 VLT(下稱 VLT) 又有新搞作喇！VLT今次驚喜合作著名壓鑄模型車製造商 Majorette ，首次喺迷你合金模型車呈現，選上至經典 VLT 三款檸檬茶口味造型。今次合作仲獲得 Volkswagen Beetle、Suzuki Jimny、 以及 T1 授權使用車款，全套特別版車仔擁有 1:64 完美比例，設計及造工極緻精細，極具玩味同收藏價值。VLT 一齊陪你「澀」得起，邊玩邊飲，展現至潮品味！
VLT 一直走係潮流嘅尖端，精心挑選三款深受年輕人鍾意嘅經典 Dream Car 車款，既有可愛爆登甲蟲車、型格小型四驅車、仲有玩味十足美食車，配搭 VLT 三大最受歡迎口味嘅包裝 (原味檸檬茶、錫蘭檸檬茶及低糖檸檬茶) 完美呈現係超的骰嘅模型車身上，造型鮮明超有活力，認真盞鬼！
全套車仔嘅造工和設計秉承 Majorette 一貫作風，裡外造型超級細緻，製造同生產都超高質。而部分配件例如車頭蓋、車門、滑板配件都可以打開或拆出嚟玩，玩開模型車仔又識貨嘅車迷一定唔可以錯過！
即日起陸續至 11 月 8 日，一套三款型格潮車將會以盲盒形式隆重登場，顧客凡於指定商店，購買維他檸檬茶/氣泡茶/菊花茶系列滿一定金額或數量，即可隨機換購模型車盲盒乙件。數量有限，換完即止。
仲唔快啲約埋班 friend 搶住換購，一齊儲齊全套三款啦！全港限量，真係手快有，手慢無啦！
