試當真旗下音樂廠牌 Demo Records 的⾳樂人 Triple G，於17/3假九龍灣國際展貿中⼼Music Zone 舉⾏全新 EP《光》發佈⾳樂會。全新 EP《光》象徵準備踏入三字頭的⼈生觀，回望過去豁然開朗的 Triple G 帶着抱負與希望。EP⾸發舉⾏2023 年⾸場發佈會演出，特意安排全晚歌單重新編曲演繹，以輕鬆的清唱版〈WONDER〉揭開序幕，進入 Triple G 的內⼼世界， 在小提琴伴奏下獻唱〈火花〉及〈雨〉，輕柔的曲風加上簡約細膩的歌詞，觸動樂迷⼼扉。
Triple G 唱出描述日復⽇的平庸生活，到漸漸想開的〈Cozy City 〉，⽤歌聲安撫着失落的靈魂。Triple G 感謝好友們的支持，接着他唱出〈列車〉及〈 碎碎念〉帶樂迷回到學⽣時代的懵懂歲月，讓過去的美好成為現在好好生活的動力。 他又特意為樂迷帶來 acoustic 版的〈自畫像〉及全新 EP 的實體碟限定歌〈光〉：「 串流平台嗰啲，我係唔會放嘅，因為嚟緊應該會有〈光〉嘅 Part 2，我都淨係會放喺 CD 入面，淨係畀啲知音人聽。」
另外，Triple G 分享他加盟新唱片公司並製作新 EP 的心路歷程，直言現在的自己比以前成熟：「咁我上年轉咗個新 label Demo Records，見到好多主流嘅人，發現我有少少使命感。我要爬到去一個我有話語權嘅位，去宣揚啱嘅訊息、啱嘅歌、啱嘅 Hip-hop，造真正屬於香港嘅音樂。我見到而家好多 YouTuber 唱歌、KOL 唱歌，唔緊要呀，我哋就用音樂嚟較勁。」全場即歡呼並為 Triple G 打氣。
接着，他獻唱新歌〈時間計〉及〈山〉。Triple G 笑言曾經被同事要求多在社交平台分享生活，他說：「有歌迷同我講，我啲歌畀咗好多回憶佢哋，其實我想講呢啲回憶係你哋畀自己㗎。如果我哋距離太近，你哋就會冇晒啲遐想，其實我好珍惜呢 啲，我會盡力平衡我哋之間嘅距離。」說罷，他感觸流淚，不禁轉身背向觀眾平復情緒。其後，Triple G 唱出點題歌〈岸〉，以歌詞「We gonna be alright」鼓勵大家，全場亮着手機燈揮動，場面感動又温馨。Encore 部份，Triple G 送上〈鎂光燈〉及〈⽩日夢⼀場〉冀望樂迷好好感受內⼼，帶着希望 ，繼續好好過生活。
